El rei pide "nun rendise" na construcción d'una Europa exemplu de llibertá, igualdá y democracia

Felipe VI: "La guerra enxamás va destruyir la cultura"

El rei afirmó esti vienres na ceremonia d’entrega de los Premios Princesa d’Asturies que’l cambéu climáticu representa "ún de los grandes retos de la humanidá" y poro, emponderó’l llabor de la ex-regatista Ellen MacArthur, un referente nel fomentu de la economía circular.

Don Felipe, que dedicó bona parte de la so intervención a eloxar la figura de los galardonaos, emponderó a MacArthur, Premiu Princesa d’Asturies de Cooperación Internacional, "la so xera na concienciación sobre la reutilización de los materiales, el recicláu, la mengua de les emisiones más contaminantes y del consumu".

Amás, afirmó que MacArthur ye un referente de la economía circular que promueve un meyor aprovechamientu de los recursos y resaltó que "gracies al so esfuerzu, coraxe y enfotu, pudo algamase un alcuerdu internacional venceyante pa la mengua de plásticu".